بسم الله انا بعمل الحواوشى بطريقه سهله جدا ومن غير اضافات كتير وبتطلع طعمها حلو جدا
هنحتاج لحمه مفرومه بصل مفروم ناعم ومش متصفى ولا معصور زى بتاع الكفته لاء هنسيبه بميته عادى وملح وفلفل اسمر وشطه للى بيحبها
ودى صورة المكونات قبل مااخلطهم مع بعض
اهم حاجه تخلطى اللحمه والبصل كويس اوى كأنك بتعجينهم فى بعض و دى صورة اللحمه هتلاقى شكلها متجانس جدا زى العجينه
انا استخدمت خبز ابيض جاهز بجيبه من المخبز مش من السوبر ماركت والحقيقه حجمه كبير اوى يعنى النص رغيف يادوب فى الصنيه وده شكله قبل مااحط فيه اللحمه
بحط فيه طبقه متوسطه من اللحمه يعنى لارقيقه اوى ولا سميكه عشان تستوى كويس
بعد كده بدهن الخبز من بره بزيت خفيف
بكون مسخن الفرن من قبلها بشويه يعنى اول ما بجى اخلط اللحمه بولع الفرن علطول
وبعدين ادخلهم الفرن
الصينيه مش بتاخد غير نص واحد فحطيت على شبكه الفرن من فوق تستوى نص سوى وبعدين بنزلهم فى الصينيه تحت يكملوا ورا بعض وطبعا لما يتحمر من تحت تقلبيه
ده شكله من جوه طرى جدا واللحمه مستويه اوى ومن بره مقرمش ع الاخر
وده من بره
قدمتها مع طحينه ومخلل وبطاطس مقليه وفضل حته لحمه عملتها كفته
والطبق ده للفتوكه اللى هترد وتروح جرى تقيم
