المشروبات الدافئه أطيبها وألذها

اهلين بنات

بما اننا في فصل الشتاء فتلزمنا المشروبات الدافئه أكيد

ومن أطيبها وألذها الهوت شوكلت والسحلب باللبن و القرفة باللبن

نبدأ بــ *السحلب باللبن*

وهو من المشروبات الشتوية اللي بتدي طاقة ودفء
المشروبات الدافئه أطيبها وألذها 1

المقادير:-

• كيلو لبن حليب.
• 1/2 كوب سمسم محمص.
• كوب سكر بودرة.
• 4 ملاعق كبيرة نشا.
• ملعقة صغيرة قرفة "اختياري"
• 2ملعقة فانيليا.
• كوب أرز مطحون ناعم.
• 1/4 كوب زبيب.
• 1/2 كوب تشكيلة من المكسرات المحمصة اللي موجودة عندك في البيت "سوداني- عين جمل- جوز-فستق-لوز".
• ملعقة كبيرة قرفة "للتزيين"
• ملعقة كبيرة جوز الهند "للتزيين"
• سكر للتحلية "اختياري"
على فكرة ممكن تشتري مسحوق السحلب جاهز من السوبر ماركت

الطريقة:

هتجيبي طبق كبير وتخلطي فيه كل المكونات السابقة ما عدا "اللبن" هتخليطهم كلهم مع بعض وتقلبيهم كويس، وبعد كده تجيبي كسرولة وتحطي فيها اللبن الحليب وتضيفي له مقدارا من السحلب اللي أنت عملتيه أو اللي أنت اشترتيه وتحطيهم مع بعض على النار مع التقليب المستمر من وقت لآخر علشان مفيش حاجة تكلكع منك هتخليه على النار لغاية ما اللبن يغلي وبعد كده تصبيه في الفنجان أو الكوباية وتضيفي إليه السكر اللي أنت محتاجة له... ممكن تزيني الفنجان بشوية قرفة مطحونة أو جوز الهند.

*هوت شوكلت"الشوكولاتة باللبن"*
المشروبات الدافئه أطيبها وألذها Hqdefault

المشروبات الدافئه أطيبها وألذها Hqdefault

المقادير:-

• 6 ملاعق كبيرة من كاكاو بودرة.
• 4 ملاعق سكر "اختياري"
• 2 كوب ونصف لبن حليب.
• 1/4 ملعقة صغيرة من الفانيليا.
• 1/4 ملعقة شوكولاته بودرة.
• 1/4 ملعقة صغيرة من القرفة "اختياري".

الطريقة:-

اخطلي الكاكاو والسكر مع بعض وضيفيهم إلى اللبن وقلبيهم كويس أوي، وبعد كده حطيهم على النار مع التقليب المستمر لغاية ما اللبن يغلي بعد ما اللبن يغلي صبيه في الفنجان ورشي عليه من على الوش الفانيليا والقرفة وشوية شوكولاته بودرة.

*القرفة باللبن*

المشروبات الدافئه أطيبها وألذها Cooking18_5_2011_03_17_42_AM

المشروبات الدافئه أطيبها وألذها Cooking18_5_2011_03_17_42_AM

المقادير:
- 4 ملاعق كبيرة من مسحوق القرفة
- 4 أكواب ماء
- 8 ملاعق كبيرة حليب مجفف
- ملعقتان صغيرتان فانيليا
- سكر أو عسل أبيض للتحلية حسب الرغبة

الطريقة:

هتجيبي القرفة وتذوبيها في الميه وتحطيها على النار لغاية ما تغلي بعد ما تغلي تبدئي تهدي النار شوية وبعد كده تضيفي إليها اللبن وتسيبيهم على النار...بعد ما القرفة باللبن تغلي صبيها في الفنجان وضيفي إلى كل فنجان ملعقة فانيليا وسكر أو عسل نحل أبيض..

مشكوره يا عسل على المجهود الغالي ننتظر القادم المشروبات الدافئه أطيبها وألذها 3700690158

تسلمي عالمرور المميز

ومشكوره عالكلمات الاكثر من رائعه