حكاية مصر
هحكيلكم حكاية مصر .. مصر بنت جميله إتولد من آلاف السنين في عصور الجهل والتشرد والقبائل لكن كانت غير كل اللي إتولدت قبلها أو معاها أو بعدها سبقت كل العصور حاجت على كل ولادها اللي في ملامحهم ودمهم وعراقتهم ومجدهم لونها وملامحها وأسست أول كيان لدوله كامله بحدود وجيش وعلم وفن وإقتصاد وسياسه وفضلت تكبر مصر وكل متكبر شبابها جماله يظهر ويقوى ويحلا في كل العيون فين تلاقي شعب زي شعبها وولادها طبعا مفيش ..
محولات كتير لإغتصابها وكل مره كانت بتصمد وبترجع تاني بكر رشيد والعالم كله يستعجب ويقول ازاي مبتفقدش كيانها ولا بتتهز
مصر دي لما يأسوا في إغتصابها وإفقادها عزريتها قرروا يشكلوا عصبه ويبقوا عدوان من أقوى تلت رجاله في العالم .. لكن ايه النتيجه شدوا ديول جلاليبهم وجيريوا يتكفوا ويدوسوا فوق بعض طالبين العفو والصفح وقامت مصر اللي عمرها كام ألف عام كأنها بنت عمرها 17 عام .. مصر اللي إخوتها باعوا قضيتها وسابوها لوحدها تعاني حقارة شبح من عرق سامي ومنستهمش وقالتلهم أنا قادره أحميكم يا خواتي زي محمي ولادي وباعوا قضيتها وقالوا خاينه وعميله وإتخلوا عنها وهي ماده إيديها قصدها تساعدهم قبل ميسعدوها وكل اللي كانت طلباه مش مساعده ولا عون ولا مدد دي كانت طالبه ألفه وموده وميكونش من بين إخواتها عميل ولا شوكه في ضهرها .. وزي مبهرت العالم وخلدت جسم مات وإدفن وعلت هرم وكمان نحتت صنم مغيرش ملامحه الزمن .. بهرت العالم وعبرت خط بارليف اللي كان أعظم من أعظم جبل وقامت شامخه بكر رشيد كأنها لسه بنت عمرها 17 عام .
مصر ولادها كتير وإخواتها برده كتير والحاقد عليها كتير واللي طمعان فيها كتير لكنها قلبها أكتبر بكتير وخيرها ع الكل وفير وجمالها سره خطير وعقلها حقيقي حكيم .. مصر من إخواتها الحاقد عليها ومره واحده من إخواتها بعتت ولادها نزلوا ضرب فينا إحنا ولاد مصر ثورنا وهيجنا غارت مصر على عروبتنا ونسيت الفرنساوي اللي عاوج لسان أختها وقالت العروبه أب لينا وجد ليكم يا ولادنا طبطبت علينا وقالت إخواتكم وولاد خالتكم والصغير بيغلط والكبير بيسامح ويطبطب ويعرف الصغير غلطه ولمت الموضوع وقالت الدم في عروقنا واحد وبينا صلة رحم وقرابه وكلنا عيله في بعض .. هي دي مصر الحكيمه العظيمه .
رقيقه وصلبه إيه حصلها معقول بعد العمر اللي أكتر من كام ألف عام جات دلوقت ومش قادره تفضل شباب لاء مصر لسه بنت 17 عام .
طب ايه اللي جرى لمصر وساكته وبتتفرج ولا ايه حال مصر عمرها مكانت كدا مصر ؟!! .
لاء مصر عظيمه وهتفضل عظيمه ولسه بكره رشيد لكن المرادي الضربه جايه في مقتل طول عمرها بتحاجي على ولادها وتلم شملهم وتحميهم لكن المرادي جايه الضربه من وسطيهم منهم فيهم
ولادها مش كلهم طيبين مش كلهم ليها وافيين فيه وسطهم الابن العاق الابن الحاقد الابن الجاحد اللي ضرب أخته وأخوه وبص لأمه مصر وضربها كام ألف ألم وكان بجح مش محترم إغتصبها قدام أخواته الصغيرين قدام عيون كل غريب حاول قبل منه يغتصبها ومعرفش شمت كل غريب في عرضه جفف دمه اللي بيجري في عرق أخوه .. ولأول مره إنتهز الزمن فرصه وقدر يختم تجاعيد طول العمر على ملامح أمي الشابه مصر ومصر واقفه قويه قادره تخلع جدور التجاعيد وقادره تقتل إبنها الجاحد وقادره تطيب جروح إبنها الصغير اللي مرمغه إخواته الكبار في الطين لكنها واقفه مصدومه واقفه ملامحها كلها زهول تعمل أيه مع اللي هنها المرادي وهي قلبها قلب أم تعمل للى أتظلم وهي ليه أب وأم تعمل أيه لنفسها لما شافت أكبر ولادها بيهتك وياخد عرضها .
هي دي مصر .. وملخص حكاية مصر .. مصر اللي صابره وساكته نفسها يحن قلب أبنها الكبير الكابر ويرجع يطبطب على كل أخ ليه منه إتظلم قبل متتسرع وينفد صبرها .
