تعلمت بغيابك كيف أعالـج مـا تألمتـه
تعلمت بغيابك كيف أقاسم همـي البلـور
على ما بقى من أطلال شفني كيف قسمته
زوايا غرفتك تبكي وبابك خاطره مكسور
وشارع بيتك اللي كل ماضاقت علي حمته
أضيق صدر أرصفته وتبكيني عيون الدور
% :: %
من هول صكات الزمن صرت مرعوب
وعقب الشجاعة قمت أهدّي وأحاسب
وأحسب ليالي العمر والعمر محسوب
لاشك من فوق المحاسب محاسب
وإن رحت لا طالب ولا نيب مطلوب
خسارة الدنيا لديني مكاسب
% :: %
ياعاشق الصمت بيبان الحكي فضه
أدخل بها يمكن الاحـزان تنساني
مض الزمن بالحكي والسالفه مضه
ما باقي الا انت..والا..مت وحداني
مابيك تذخر تعب كل التعب قضـه
مرتاح لا صرت تامرني وتنهاني
حاولت أطول صدتي عنك وازريت
طاوعت بك قلبي وعقلي عصيته
وعن كل غلطاتك سمحت وتغاضيت
شيءٍ تناسيته وشيءٍ نسيته
وجيت اتعذر منك ما كنك اخطيت
يا فاتني عنك العزا ما قويته
سلمت لك روحٍ عليها تجنيت
بسياج وهـمٍ دون وصلك بنيته
لو تدري أنك غاليٍ ما تغليت
ولو تدري أنك خافقي ما كويته
ولو تدري أني من فراقك تعنيت
كان العتاب اللي كتبته محيته
أفارق
ودايم قصة العاشق قديمة
مثل كل الفصول اللي على مَرّ الزمن تنعاد
عزانا ، والدموع جداد
بأن الشمس وحده ، وياكثر المشارق
اجمل ابيات الشعر في الشوق :
يجيب السفر طاريك يا حي ذا الطاري
وأنا ما بين تغميض العيون ومدامعها
غريب السفر والأغرب إحساسه الناري
ياكم ناس فرقها وياكم ناس جمعها
على الرغم من كمية الكبت الإجباري
يبين شعور الناس لما توادعها!
زينة محيا.. رفيعة ذوق..حلوة لسان
عذروبها ياعذابي..بعد مشوارها
لولا الحياء أطلقت للشوق الدفين العنان
مير البلا حدني..عن غارها نارها
منقول
